04076
इचलकरंजी ः येथील श्रद्धा इन्स्टिट्यूट ऑफ सिव्हिल सर्व्हिसेसच्या उद्‍घाटनप्रसंगी जिल्हाधिकारी राहुल रेखावार यांनी मार्गदर्शन केले. यावेळी मोसमी चौगुले, ए‌. आर. तांबे, ओमप्रकाश दिवटे आदी उपस्थित होते.
-----------
सिव्हिल सर्व्हिसेस समाजसेवेचे व्रत
राहूल रेखावार ः ‘श्रद्धा इन्स्टिट्यूट ऑफ सिव्हिल सर्व्हिसेस’चे उद्‍घाटन
सकाळ वृत्तसेवा
कबनूर, ता. ४ ः सिव्हिल सर्व्हिसेस हे करिअर नसून समाजसेवेचे व्रत आहे. वैद्यकीय व आयआयटी क्षेत्रात उल्लेखनीय कामगिरी बजावणाऱ्या श्रद्धा इन्स्टिट्यूट ऑफ करिअर डेव्हलपमेंटचे श्रद्धा इन्स्टिट्यूट ऑफ सिव्हिल सर्व्हिसेस उल्लेखनीय कार्य करेल, असे प्रतिपादन जिल्हाधिकारी राहुल रेखावार यांनी केले.
इचलकरंजीतील घोरपडे नाट्यगृहात ‘श्रद्धा इन्स्टिट्यूट ऑफ सिव्हिल सर्व्हिसेस’ उद्‍घाटन सोहळ्यानिमित्त आयोजित कार्यक्रमात ते प्रमुख पाहुणे म्हणून बोलत होते. अध्यक्षस्थानी संस्थेचे अध्यक्ष ए. आर. तांबे होते. इचलकरंजी महानगरपालिकेचे आयुक्त ओमप्रकाश दिवटे, इचलकरंजीच्या प्रांताधिकारी मोसमी चौगुले, लेफ्टनंट कर्नल राजेंद्र पाटील,राजशेखर यांनी मार्गदर्शन केले. संस्थेचे समन्वयक एम. एस. पाटील, सुप्रिया कौंदाडे, संगीता पवार, अक्षय तांबे, अभिषेक तांबे, सृष्टी तांबे आदी उपस्थित होते. ए. आर तांबे यांनी स्वागत व प्रास्ताविक केले. मनीष आपटे यांनी सूत्रसंचालन करून आभार मानले.