कबनूरला उरुसाच्या कामाचा प्रारंभ
कबनूर, ता. १० ः येथील ग्रामदैवत जंदिसाहेब व ब्रॉनसाहेब उरुस ४ एप्रिलला आहे. त्यामुळे दर्ग्यामध्ये मुजावरांनी फातीहा पठण करून दुवा केली. त्यानंतर उपसरपंच सुधीर लिगाडे यांनी श्रीफळ वाढवून उरुसाच्या कामाचा प्रारंभ केला.
दर्ग्यात उरुसासाठी देणगी गोळा करण्यासाठी ग्रामपंचायतीने टेबल लावले. मात्र त्यास दर्ग्यामधील मुजावरांनी मज्जाव करीत ग्रामपंचायतीचे टेबल दर्ग्यातून बाहेर काढले. त्यामुळे मुजावर व उरुस समिती पदाधिकारी यांच्यात वादावादी झाली. दरम्यान, शिवाजीनगर ठाण्यामध्ये पोलिस निरीक्षक राजू तहसीलदार यांच्या अध्यक्षतेखाली उरुस समिती पदाधिकारी व मुजावर यांची बैठक घेतली. यात जंदिसाहेब व ब्रॉनसाहेब उरुसासाठी दर्ग्याच्या आत देणगी पावत्या करण्यासाठी कोणीही टेबल लावायचे नाहीत, असा निर्णय पोलिस निरीक्षक राजू तहसीलदार यांनी दिला.
सरपंच शोभा पोवार, उपसरपंच सुधीर लिगाडे, मिलिंद कोले, अशोक पाटील, प्रमोद पाटील, नीलेश पाटील, बबन केटकाळे, अल्ताफ मुजावर, शकील मुजावर, दत्तात्रय पाटील आदी उपस्थित होते.