कोरोचीत घरफाळ्यासाठी
ऑनलाईन प्रणाली
कबनूर ता. ७ : कोरोची (ता. हातकणंगले)येथील ग्रामपंचायतीने ऑनलाईन प्रणालीमुळे नागरिकांना घरफाळा व पाणीपट्टी ऑनलाईन भरण्याची सोय ग्रामपंचायत प्रशासनाने केली आहे.या ऑनलाईन प्रणालीचा कोरोचीतील सर्व नागरिकांनी लाभ घ्यावा, असे आवाहन सरपंच डॉ.
संतोष भोरे यांनी व्यक्त केले.
कोरोची ग्रामपंचायत सभागृहात आयोजित घरफाळा पाणीपट्टी ऑनलाईन प्रणालीचा प्रारंभ सरपंच संतोष भोरे यांच्याहस्ते करण्यात आला त्यावेळी ते बोलत होते. सरपंच भोरे म्हणाले,"कोरोची गावातील नागरिकांची अडचण लक्षात घेता जलस्वराज्य मधील पाणीपट्टी ग्रामपंचायतमधील घरफाळा यासाठी नागरिकांना ऑनलाईन पद्धतीने पेमेंट जमा करता यावे.यासाठी कोरोची ग्रामपंचायतीने सरपंच भोरे यांच्या पुढाकाराने बँकेकडे ऑनलाईन पद्धतीची मागणी करण्यात आली होती.त्या मागणीला बँकेने ग्रामपंचायतीला मान्यता देत आज ग्रामपंचायतीला व सर्व कर्मचाऱ्यांना तसेच जलस्वराज्य पाणीपुरवठा प्रकल्पातील सर्व कर्मचाऱ्यांना ऑनलाइन सुविधेचे आज वाटप करण्यात आले.यामुळे कोरोची नगरीतील एकूण सहा प्रभागातील सर्व नागरिकांना कर्मचाऱ्यांच्या माध्यमातून घरफाळा व पाणीपट्टी ऑनलाइन जमा करण्याचे सोय केली आहे.