01083
बी. डी. पाटील फाउंडेशनतर्फे गुणवंतांचा गौरव
कडगाव : बिपिन मरीन सर्विसेस या यशस्वी उद्योग समूहाचे चेअरमन डॉ. बी. डी. पाटील यांचा वाढिवस विविध उपक्रमांनी झाला. यावेळी गुणवंतांचा सत्कार व शैक्षणिक साहित्याचे वाटप झाले. तांबाळे(ता. भुदरगड) येथील तांबाळेश्वर हायस्कूलमध्ये कार्यक्रम झाला. यावेळी अराफत काझी, केतन खोत, वैष्णवी गुरव यांची एमबीबीएससाठी निवड झालेबद्दल, डॉ. अमोल पाटील अमेरिकेतील संशोधनासाठी, प्रकाश सांडुगडे आदर्श पत्रकार, सामाजिक कार्यकर्ते शशिकांत पाटील, मेघोली धरण फुटीत जीवरक्षणासाठी योगदान देणारे संतोष सुतार, पोलिस वर्षा गुरव, दहावी व बारावीतील गुणवंत विद्यार्थ्यांना गौरविले. गरीब व गरजूंना शैक्षणिक साहित्याचे वाटप केले. यावेळी प्रा. युवराज पाटील यांनी रोजगार मेळाव्यानिमित्त मार्गदर्शन केले. एकनाथ पाटील यांनी स्वागत केले. मुख्याध्यापक संतोष भोसले यांनी प्रास्ताविक केले. बाबा नांदेकर, शिक्षण विस्ताराधिकारी अशोक कौलवकर, नंदकुमार पाटील, प्रकाश पाटील यांनी डॉ. पाटील यांना शुभेच्छा दिल्या. बळवंत पाटील, जयसिंग पाटील, संजय पाटील, आबासाहेब पसारे, सरपंच रामदास देसाई, निशा संकपाळ, अक्षय पाटील, संतोष संकपाळ, जॉन्सन डिसोजा, एम. आर. पाटील, अल्बर्ट पिंटो, बसत्याव भुतेलो, सुनील पाटील, भाऊ कोळगे, वसंत पाटील, संग्राम पाटील, किरण पाटील, सुनील ढोकरे, करण ढोकरे, नामदेव पाटील, मारुती पोवार, अरविंद पाटील, अमित माने, भरत पाटील, अजित देसाई उपस्थित होते. बी. ए. पाटील यांनी आभार मानले.