सांगरुळमध्ये रविवारी कुस्ती मैदान
सांगरुळ ः येथे छत्रपती शाहू नाळे तालीम मंडळ व माजी उपसरपंच सुशांत नाळे यांच्यातर्फे रविवारी (ता. २६) बेमुदत निकाली कुस्त्यांचे मैदान आयोजित केले आहे. यामध्ये शिवसेना नेते खासदार श्रीकांत शिदे, संजय मंडलिक, माजी आमदार चंद्रदीप नरके यांची प्रमुख उपस्थिती आहे, अशी माहिती  आयोजक सुशांत नाळे यांनी पत्रकार बैठकीत दिली.
प्रथम क्रमांकाच्या शाहू केसरीसाठी महान भारत केसरी पै. सिकंदर शेख विरुद्ध महान भारत केसरी पै. भोला ठाकूर पंजाब यांच्यात लढत होणार आहे. प्रथम क्रमांकाच्या दुसरी कुस्ती आदियोगी वॉरिअर्स केसरी किताबासाठी महान भारत केसरी पै. माऊली जमदाडे विरुद्ध मुंबई महाराष्ट्र केसरी पै भारत मदने यांच्यात होणार आहे. प्रमूख पाहुणे आमदार जयंतराव आसगावकर, गोकुळचे अध्यक्ष विश्वासराव पाटील, केडीसीसी बँक संचालक बाबासाहेब पाटील, गोकुळचे संचालक अजित नरके, कुंभी कारखाना उपाध्यक्ष विश्वास पाटील, माजी उपाध्यक्ष निवास वातकर, संचालक राहुल खाडे उपस्थित राहणार आहेत. सुशांत नाळे, निवास वातकर, दत्तात्रय नाळे, ज्ञानदेव नाळे, सदाशिव नाळे, आण्णा नाळे, हिंदुराव नाळे, कृष्णात नाळे, एकनाथ नाळे, केदार खाडे, साई सुतार उपस्थित होते.