03634
अजित नरके
03633
अरुण पाटील

कुंभी बँकेच्या अध्यक्षपदी
अजित नरके बिनविरोध
उपाध्यक्षपदी अरुण पाटील
कुडित्रे, ता. ६ : कुंभी कासारी सहकारी बँकेच्या अध्यक्षपदी अजित नरके, तर उपाध्यक्षपदी अरुण पाटील यांची बिनविरोध निवड झाली. सभेच्या अध्यक्षस्थानी उपनिबंधक प्रदीप मालगावे होते.
अध्यक्षपदासाठी नरके यांचे नाव बाबूराव पाटील यांनी सुचवले, तर अनुमोदन हिंदूराव मगदूम यांनी दिले. उपाध्यक्षपदासाठी अरुण पाटील यांचे नाव आनंदराव माने यांनी सुचवले, तर विलास देसाई यांनी अनुमोदन दिले.
अध्यक्ष नरके म्हणाले, ‘‘यापुढे बँकिंग क्षेत्रात बदल होत असून प्रत्येक व्यक्ती आहे त्या ठिकाणांहून मोबाईल बँकिंगद्वारे आर्थिक व्यवहार करू शकते. सहकारी बँकांनी सामान्य शेतकऱ्यांना आर्थिक सक्षम करण्याचे काम केले आहे.’’
या वेळी संचालक के. डी. पाटील, एस. पी. चौगले, विलास देसाई, बाबूराव पाटील, पंडित वरुटे यांनी मनोगत व्यक्त केले. उपाध्यक्ष अरुण पाटील यांनी आभार मानले. या वेळी रंगराव पाटील, मारुती चौगले, आनंदा पाटील, प्रकाश काटकर, रणजित पाटील, प्रदीप नाळे, कृष्णात वरुटे, ललिता पाटील, रेखा पाटील, दत्तात्रय कांबळे उपस्थित होते.