03886
...
अपघातातील जखमी तरुणाचा मृत्यू
कुडित्रेः कोल्हापूर- गगनबावडा मार्गावर वाकरे फाटा ते दोनवडेदरम्यान अज्ञात वाहनाच्या धडकेत दुचाकीस्वार तरुण गंभीर जखमी झाला होता. रविवारी दुपारी साडेबारा वाजता ही घटना घडली होती. रात्री उशिरा या जखमी तरुणाचा मृत्यू झाला. प्रतिक युवराज कांबळे (वय २१, रा. वाकरे, ता.करवीर) असे त्याचे नाव आहे. अज्ञात वाहनधारकाविरोधात करवीर पोलिसांत गुन्हा नोंद झाला आहे. पोलिसांकडून मिळालेल्या माहितीनुसार, प्रतिक कांबळे हा महाविद्यालयीन तरुण रविवारी दुपारी दुचाकीमध्ये पेट्रोल टाकण्यासाठी पंपावर गेला होता. घरी परतत असताना भरधाव टेम्पोने त्याला धडक दिली. यामध्ये प्रतिक रस्त्यावर आपटला. डोक्याला लागल्यामुळे तो गंभीर जखमी झाला. त्याला खासगी रुग्णालयात दाखल करण्यात आले, मात्र उपचारादरम्यान रात्री त्याचा मृत्यू झाला.