06170

मनीषा ऱ्हायकर यांना
कुस्तीत कांस्यपदक

कुडित्रे : दोनवडे (ता. करवीर) येथील वन विभागातील कर्मचारी मनीषा ऱ्हायकर यांनी अखिल भारतीय नागरी सेवा व क्रीडा मंडळ कामगार कल्याण मंत्रालय नवी दिल्ली यांच्या वतीने शिवछत्रपती क्रीडापीठ, म्हाळुंगे बालेवाडी पुणे येथे घेतलेल्या राष्ट्रीय कुस्ती स्पर्धेत ५९ किलो गटांमध्ये कास्यपदक मिळवले. मनीषाने सलग दोन वर्षे कांस्यपदक मिळवले आहे. स्पर्धेत मनीषा ऱ्हायकर यांनी प्रथम फेरीत बाय, द्वितीय फेरीत उत्तरप्रदेश महिला मल्लाचा पराभव केला. उपांत्य फेरीत प्रवेश केला. दिल्लीच्या महिला मल्लाकडून निसटता पराभव झाला. कास्य पदकासाठी कर्नाटकच्या महिला मल्लाचा १० विरूद्ध ० गुणाच्या फरकाने विजय मिळवत कास्यपदक मिळविले. मागील वर्षी ६३ किलो वजन गटात तिला कास्यपदक पटकावले होते. मनीषा असळज येथे वन विभागात कार्यरत आहेत. दररोज सायंकाळी व सकाळी पाचला एक ते दीड तास एनआयएस कुस्ती संकुल दोनवडे येथे सराव करत घरची जबाबदारी पार पाडत मनीषा यांनी हे यश संपादन केले आहे.