जोतिर्लिंग पतसंस्थेस १.२५ कोटी नफा
कुडित्रे ः वाकरे (ता. करवीर) येथील श्री जोतिर्लिंग नागरी सहकारी पतसंस्थेस आर्थिक वर्षात १ कोटी २५ लाख निव्वळ नफा झाल्याची माहिती संस्थाध्यक्ष मधुकर तोडकर यांनी दिली. यावेळी उपाध्यक्ष हिंदुराव पाटील, व्यवस्थापक पांडुरंग बिरंजे यांची प्रमुख उपस्थिती होती.
तोडकर म्हणाले, ‘‘भागभांडवल २ कोटी ६० लाख रुपये आहे. खेळते भांडवल ७६ कोटी २९ लाख आहे. संस्थेकडे मार्च २०२६ अखेर ५७ कोटी ९३ लाख रुपये ठेवी असून ४५ कोटी ८९ लाख रुपये कर्जवाटप केले आहे. संस्थेची गुंतवणूक २५ कोटी ३४ लाख रुपये तर निधी ७ कोटी ७७ लाख रुपये आहे. संस्था १५ टक्के डिव्हीडंट देते तर ऑडिट वर्ग ‘अ’ आहे. मुदत बंद ठेवीसाठी ९.५० टक्के व्याज तर ९० महिन्यांमध्ये दामदुप्पट ठेव योजना आहे. सोनेतारण कर्जसाठी १० टक्के व्याजदर आहे. यावेळी संचालक के. डी. माने, शिवाजी पाटील, हिंदुराव पाटील, शिवाजी सूर्यवंशी, डी. ए. पाटील, पंढरीनाथ पोवार, विश्वास सातपुते, संजय सुतार, हिंदुराव तु. पाटील, नीता माने, मधुबाला पाटील, शाखाधिकारी श्रीपती पाटील, बळवंत पाटील, वसुली अधिकारी सुरेश तोडकर, धनाजी पाटील उपस्थित होते.