रामनवमीपर्यंत कागलला धार्मिक कार्यक्रम
कागल : येथील श्री राममंदिरात गुढीपाडवा ते श्रीरामनवमी काळात परमार्थिक व सांस्कृतिक कार्यक्रम होतील, अशी माहिती रामनवमी उत्सव समितीने प्रसिद्धीस दिली. ब्रह्मचैतन्य गोंदवलेकर महाराज चरित्र आणि प्रा. के. वी. बेलसरे यांच्या ग्रंथावर आधारित प्रवचन होईल. गुरुवारी (ता. २३) बालवयात गुरू व भगवंत दर्शनाची तळमळ, शुक्रवारी (ता.२४) ग्रहत्याग व भारतभ्रमण व गुरूकृपा, शनिवारी (ता. २५) श्री गुरू अनुग्रह गुरुसेवा, रविवारी (ता. २६) गोंदवलेत श्रींचे आगमन व कार्य, सोमवारी (ता. २७) भारतभर मंदिरांची स्थापना, मंगळवारी (ता. २८) श्रींनी निर्माण केलेले शिष्य व गोंदवलेत संजीवन समाधी विषयावर प्रवचन होईल. कार्यक्रम सायंकाळी पाच ते सात वेळेत श्रीराम मंदिरात होतील. बुधवारी (ता. २९) श्रीराम जप व प्रवचन मालिका समाप्ती होईल. गुरुवारी (ता. ३०) श्रीराम सेवा भजनी मंडळाचा कार्यक्रम होईल. सकाळी श्रीराम जन्मोत्सव व सुंठवडा वाटप. सायंकाळी श्रीराम भजन आधारित भरतनाट्यम् कार्यक्रम होईल.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.