05496
कागल : श्री छत्रपती शाहू सहकारी साखर कारखान्यामार्फत सुरू असलेल्या मॅटवरील कुस्ती स्पर्धेच्या तिसऱ्या दिवशीच्या लढतींना प्रारंभ करताना हिंदकेसरी दीनानाथ सिंह व इतर.

मोरे, शिंदे, रानमाळे, डेळेकर अंतिम फेरीत
कागलला मॅटवरील कुस्ती स्पर्धा ः मुख्य लढतींचा थरार आज

कागल, ता. २० : शाहू साखर कारखान्याच्या मॅटवरील कुस्ती स्पर्धेत आज, रविवारी (ता. २०) ज्युनिअर व सीनिअर गटातील रोमहर्षक कुस्त्या झाल्या. ६० किलो गटात प्रणव मोरे (सुरुपली), ज्ञानेश्वर शिंदे (शाहू साखर), सनी रानमाळे (इस्पुर्ली), ऋषीकेश डेळेकर (मुरगूड) यांनी अंतिम फेरीत प्रवेश केला.
आज स्पर्धेच्या तिसऱ्या दिवशी हिंदकेसरी दीनानाथ सिंह यांच्या हस्ते कुस्त्यांना प्रारंभ करण्यात आला.
राजर्षी छत्रपती शाहू महाराज यांच्या जयंतीनिमित्त शाहू ग्रुपचे अध्यक्ष समरजितसिंह घाटगे यांच्या मार्गदर्शनाखाली ही मॅटवरील कुस्ती स्पर्धा सुरू आहे. उद्या, सोमवारी अंतिम फेरीतील लढती होणार आहेत.

गटनिहाय अंतिम फेरीत प्रवेश केलेले मल्ल
३७ किलो- शिवानंद मगदूम (सिद्धनेर्ली), सोहम डोंगळे (शेंडूर), सिद्धेश गोटखिंडे (यळगूड), नैतिक मांगले (सावर्डे बुद्रुक).
४० किलो गट- गणेश ताकमारे (कोगील बुद्रुक), श्रेयस बोडके (दऱ्याचे वडगाव), समर्थ पाटील (सावर्डे बुद्रुक), प्रथमेश पाटील (बाचणी).
४२ किलो गट - सतीश दळवी (इस्पुर्ली), हर्षवर्धन माळी (शाहू साखर), ओम पाटील (दिंडनेर्ली), हर्षवर्धन शितोळे (मुरगूड).
४५ किलो गट - प्रथमेश पाटील (बानगे), यशवर्धन पवार (बिद्री), विनायक चौगुले (तळंदगे), आदित्य साखरे (खेबवडे).
४८ किलो गट- धनराज जमनिक (शाहू साखर), विश्वजीत मांडेकर (मुरगूड), प्रतीक पाटील (पाचगाव), आदिनाथ माने (पिंपळगाव बुद्रुक).
५२ किलो गट- सोहम कुंभार, साईराज वाडकर, हर्षवर्धन पाटील (सर्व शाहू साखर), सत्यजित संकपाळ (मळगे खुर्द).
५६ किलो- पवन मेटकर (खडकेवाडा), आदित्य गिरीगोसावी (बेलवळे), प्रणव पाटील (साके), अंकुश काटकर (भडगाव).
६० किलो गट - प्रणव मोरे (सुरुपली), ज्ञानेश्वर शिंदे (शाहू साखर), सनी रानमाळे (इस्पुर्ली), ऋषीकेश डेळेकर (मुरगूड).