सरदेसाई हायस्कूलमध्ये
पोषण माह उपक्रम
कंदलगाव : विद्यावर्धिनी शिक्षण प्रसारक मंडळ, कोल्हापूर संचलित कोपार्डेकर शाळा समूहातील श्रीमती आनंदीबाई नारायणराव सरदेसाई हायस्कूलमध्ये पोषण माह उपक्रम उत्साहात झाला. उपक्रमांतर्गत विद्यार्थ्यांना ॲनिमिया आजाराची माहिती मोरे मानेनगर आरोग्य केंद्रातील आरोग्यसेविका गीता कांबळे व मीनाक्षी कांबळे यांनी दिली. विद्यार्थ्यांना फॉलिक ऍसिड व लोहयुक्त गोळ्यांचे वाटपही केले. विज्ञान शिक्षिका आरती कोपार्डेकर यांनी जेवणापूर्वी व जेवणानंतर हात धुण्याची योग्य पद्धत कशी असावी, संतुलित आहाराचे महत्त्व विशद केले. उपक्रमांतर्गत निबंध स्पर्धा, चित्रकला स्पर्धा व रांगोळी स्पर्धा संतुलित आहाराचे सेवन - आजची गरज, पौष्टिक आहार, सुदृढ शरीर या विषयांवर घेण्यात आल्या. पर्यावरणाचे रक्षण व संवर्धन संस्कार विद्यार्थ्यांत रुजण्यासाठी इको क्लबचे विद्यार्थी सदस्यांनी ‘एक पेड मा के नाम’ उपक्रम स्थानिक प्रजातीचे रोप स्वतः आईकरिता लावून तिच्यासोबत सेल्फी काढणे असा उपक्रम राबविला. उपक्रमासाठी शिक्षकेतर कर्मचारी मधुकर पोवार व एस. एस. भोसले यांचे सहकार्य लाभले. यावेळी मुख्याध्यापक मिलींद कोपार्डेकर, शिक्षक, शिक्षिका,शिक्षकेतर कर्मचारी व विद्यार्थी उपस्थित होते.