02807
स्वामी समर्थ उद्योगसमूहाची सभा
कोडोली : येथील स्वामी समर्थ उद्योग समूहाची वार्षिक सर्वसाधारण सभा झाली. अध्यक्ष विश्वास जाधव यांनी स्वामी समर्थ पतसंस्थेतर्फे १० टक्के लाभांश जाहीर केला. अध्यक्षस्थानी जी. ए. पाटील होते. विश्वास जाधव म्हणाले, ‘वार्षिक उलाढाल ८० कोटी ५ लाख असून निव्वळ नफा ९ लाख २५ हजार झाला. ऑडिट ‘अ’ वर्ग आहे. पत संस्थेने नवीन दोन शाखा काढण्याचा निर्णय झाला. ‘महालक्ष्मी महिला दूध’ची उलाढाल २ कोटी ३६ लाख असून नफा ३ लाख २० हजार झाला. ‘स्वामी समर्थ दूध’ची उलाढाल १ कोटी २७ लाख असून २ लाख १० हजार नफा झाला. म्हैस फरक बिल ४ रुपये व गाय फरक बिल १.५० पैसे जाहीर केला. वर्षात स्वमालकीची इमारत बांधण्याचा विश्वास त्यांनी दिला. अहवालवाचन सचिव बी. एस. पाटील यांनी केले. व्हा.चेअरमन पी. एच. पाटील, गोविंद भोसले, अजित पाटील, भगवान चव्हाण, बाळासो शिनगारे, निलेश साकरपे, विश्वनाथ घुंगुरे, विजय पाटील, अमोल जाधव, कुमार निकम, आनंदा पाटील, महालक्ष्मी दूध संस्थेच्या चेअरमन उषादेवी जाधव, प्रीती पाटील, नीलम पाटील, कुसुम पाटीलसह दूध उत्पादक व सभासद उपस्थित होते. भगवान चव्हाण यांनी आभार मानले.