कोडोलीत अंबाबाईदेवी मंदिराची स्वच्छता
कोडोली : नवरात्रौत्सवानिमित्त ग्रामदैवत अंबाबाईदेवी मंदिराची स्वच्छता, रंगरंगोटी, देवीचे अलंकार, पालखी, पूजेतील पितळेची भांडी आदींची स्वच्छता करण्यात आली. रविवार (ता. १५) पासून नवरात्रौत्सवास असून अंबाबाई मंदिरात घटस्थापना करण्यात येईल. मंदिरात नऊ दिवस पहाटे पाच वाजता काकडारती, बारा वाजता व रात्री आठ वाजता महाआरती होते. नवरात्रौत्सवानिमित्त मंदिर व शिखर याला रंगरंगोटी केली असून मंदिराला विद्युतरोषणाई केली आहे. पूजेचा मान यंदा भगवान पोवार यांच्याकडे आला आहे.