03210
यशस्वी फौंडेशनतर्फे
पैजारवाडीत आरोग्य शिबिर

कोडोली, ता. १० : श्री क्षेत्र प. पू. संत चिले महाराज समाधी मंदिर पैजारवाडी येथे भंडारा महोत्सवनिमित्त यशस्वी फौंडेशन कोडोली आणि प्रदीप पाटील मेडिकल कॉलेज आणि हॉस्पिटल खुटाळवाडी यांच्या संयुक्त विद्यमाने मोफत आरोग्य शिबिर व औषध वितरण झाले. यामध्ये २५० हून अधिक रुग्णांनी सेवेचा लाभ घेतला.
७ व ८ ला श्री क्षेत्र प. पू. संत चिले महाराज समाधी मंदिर पैजारवाडी (ता. पन्हाळा) येथे मोफत आरोग्य शिबिर झाले. फौंडेशनच्या अध्यक्षा विनिता पाटील यांनी मंदिर ट्रस्टचे अध्यक्ष बाबासाहेब गराडे, व्यवस्थापक बाबूराव गराडे, विश्‍वस्त बळवंत घोसाळकर व जयसिंग पारखे तसेच बापूजी यादव पुजारी यांचा सत्कार केला. यावेळी यशस्वी फौंडेशनचे संचालक, सदस्य, पदाधिकारी, डॉक्टर्स, परिचारिका, विद्यार्थी व भक्त उपस्थित होते. विनिता पाटील यांनी यापुढेही मोफत शिबिर व इतर उपक्रमांतून सेवा देण्याची ग्वाही मंदिर ट्रस्टला दिली. शिबिरासाठी सचिव डॉ. जयंत पाटील यांचे सहकार्य लाभले.