03213
कोडोलीत एक गाव एक शिवजयंती
कोडोली ता. १० : ‘जय भवानी, जय शिवाजी..’चा जयघोष करीत कोडोली (ता. पन्हाळा) येथे ढोल-ताशे पारंपरिक वाद्यांसह फटाक्यांची आतषबाजी करीत ‘एक गाव एक शिवजयंती’ उत्साहात झाली. रात्री उशिरापर्यंत निघालेल्या मिरवणुकीत तरुण वर्गासह विविध संस्थांचे पदाधिकारी सहभागी झाले होते.
छत्रपती शिवाजी चौकात शिवरायांच्या पूर्णाकृती पुतळ्याजवळ शिवज्योतीची स्थापना करून पूजन केले. शिवरायांच्या पुतळ्यासभोवती विद्युतरोषणाई केली होती. लावलेल्या भगव्या ध्वजांमुळे वातावरण शिवमय निर्माण झाले होते. गुरुवारी सायंकाळी दत्त मंदिरापासून मिरवणुकीस प्रारंभ झाला. मिरवणुकीचे उद्घाटन आमदार विनय कोरे यांच्याहस्ते झाले. यावेळी अमरबाबा पाटील, प्रकाश हराळे यांच्यासह शिवसैनिक उपस्थित हॊते. मिरवणुकीत रथात छत्रपती शिवरायांची मूर्ती ठेवून रथ सजविला होता. मिरवणूक मार्गावर फटाक्यांची आतषबाजी झाली. मिरवणूक पाहण्यासाठी आबालवृद्धांनी गर्दी केली होती.