मुलीला पळवून नेणाऱ्याशी मैत्री
ाकेल्याने दोन गटांत मारामारी

कोडोली ता. ३ : माले (ता. पन्हाळा) येथे तीन वर्षांपूर्वी मुलीला पळवून नेलेल्या मुलाशी मैत्री ठेवली या रागातून दोन गटांत झालेल्या मारामारीत दोघे जखमी झाले. याबाबत तेराजणांवर कोडोली पोलिसात गुन्हा दाखल झाला आहे. या प्रकरणी दोन्ही गटांच्या १२ जणांना अटक करण्यात आली.
याबाबत पोलिसांकडून मिळालेली माहिती अशी, भूषण तामगांवकर याने जमदाडे यांच्या घरातील मुलीबरोबर तीन वर्षांपूर्वी पळून जाऊन लग्न केले हॊते. शुभम पाटील हा भूषणचा मित्र. त्यामुळे जमदाडे कुटुंबीय त्याच्यावर चिडून असतात. यातून दोन्ही गटांत आज वाद होऊन काठी, लाथाबुक्क्या व लोखंडी कड्याने मारहाण झाल्याने शुभम पाटील व अजिक्य पाटील जखमी झाले. शुभम पाटील यांनी दिलेल्या फिर्यादीवरून रवीराज जमदाडे, पृथ्वीराज जमदाडे, साहील जमदाडे, रोहित चौगुले, अजिंक्य पाटील, संकेत जमदाडे (सर्व रा. माले ता. पन्हाळा) या सहाजणांवर गुन्हा नोंद झालाा. अजिंक्य विश्वनाथ पाटील यांनी दिलेल्या फिर्यादीवरून अभिजीत पाटील, विश्वजीत पाटील, शुभम पाटील, भारत पाटील, विनोदकुमार पाटील, विठठल उर्फ सोन्याभाऊ पाटील, भूषण तामगांवकर (सर्व रा. माले ता. पन्हाळा) या सातजणांवर गुन्हा दाखल करण्यात आला. त्यांना पन्हाळा न्यायालयात हजर केले असता ७ जुलैपर्यंत पोलिस कोठडी सुनावली. पुढील तपास सहाय्यक पोलीस निरीक्षक कैलास कोडग व हावलदार माने करत आहेत.