04356
मुलांमधील स्वमग्नतेवर
कोडोलीमध्ये व्याख्यान
कोडोली ता. ९ : जागतिक आरोग्य दिनाचे औचित्य साधून येथील यशस्वी फाउंडेशन कोडोली व यशवंत हॉस्पिटल कोडोली बालरोग विभाग यांच्या संयुक्त विद्यमाने प्रसिद्ध बालमेंदू विकारतज्ज्ञ डॉ. दीप्ती चव्हाण यांचे लहान मुलांमधील स्वमग्नता याविषयी मार्गदर्शन व्याख्यान झाले. कार्यक्रमाच्या अध्यक्षस्थानी यशस्वी फाउंडेशनच्या अध्यक्षा विनिता पाटील होत्या.
यशवंत चॅरिटेबल हॉस्पिटलच्या सभागृहात कार्यक्रम झाला. धन्वंतरी पूजनाने कार्यक्रमास सुरवात झाली. यावेळी डॉ. चव्हाण यांनी स्वमग्नता ही कोणती आजाराची स्थिती नसून मुलांच्या मेंदूच्या विकासाची वेगळी पद्धत आहे, त्याला समजून घेणे, स्वीकारणं आणि योग्य मार्गदर्शन मिळणे खूप गरजेचे आहे. स्वमग्नता सुरुवातीची लक्षणे, योग्य वेळी ओळख कशी करावी, पालकांनी घ्यायची भूमिका, मुलांच्या सर्वांगीण विकासाची योग्य दिशा, याविषयी मार्गदर्शन केले. यावेळी जिल्हा परिषद सदस्य व यशवंत शिक्षण प्रसारक मंडळ सचिव डॉ. जयंत पाटील, यशस्वी फाऊंडेशनचे अध्यक्ष विनिता पाटील, हॉस्पिटल अधीक्षक डॉ. मिलिंद गोडबोले, बालरोग विभागप्रमुख डॉ. पी. के. दास, डॉ. कीर्ती देवणे, डॉ. विश्वजीत कुंभार, डॉ. गौरी महाडिक, सोनाली नेमिष्टे, भारती साळोखे, सरिता पाटील, विजय कोपार्डे यांच्यासह यशस्वी फाऊंडेशनचे सदस्य व पालक, विद्यार्थी उपस्थित होते.