6758
कोल्हापूर : येथे जयश्री खेगडे यांना आदर्श सरपंच पुरस्कार देऊन गौरवताना मान्यवर.
............
जयश्री खेगडे यांना आदर्श सरपंच पुरस्कार प्रदान

कोनवडे, ता. ३० : भारत सरकार संलग्न जनकल्याण सामाजिक संस्था कोल्हापूर यांचा सन २०२४-२५ चा आदर्श सरपंच पुरस्कार मिणचे खुर्द (ता. भुदरगड) येथील सरपंच जयश्री बाजीराव खेगडे यांना प्रदान करण्यात आला. कार्यक्रम कोल्हापूर येथील शेठ रामभाई सामाणी स्मृती हॉलमध्ये झाला. पुणे पदवीधर शिक्षक मतदारसंघाचे आमदार जयंत आसगावकर, परमपूज्य महंत सिद्धेश्वर महास्वामीजी बेळगाम आश्रम, संस्थाध्यक्ष उदयसिंह पाटील यांच्या हस्ते पुरस्कार देण्यात आला. मिणचे खुर्दच्या विकासात मोलाचे योगदान दिल्याने हा पुरस्कार सरपंच खेगडे यांना प्रदान करण्यात आला. यावेळी मिणचे खुर्द ग्रामपंचायतीचे सर्व सदस्य तसेच विविध क्षेत्रांतील मान्यवर उपस्थित होते.