गुंठेवारी नियमितीकरणाची २२ प्रकरणे मंजूर
कोल्हापूर, ता. ५ : शहरातील गुंठेवारी नियमितीकरणासाठी गुरुवारी दाखल झालेली २२ प्रकरणे मंजूर करण्यात आली. प्रशासक डॉ. कादंबरी बलकवडे यांच्या सुचनेनुसार नगररचना विभागातर्फे दोन दिवसांचे विशेष कॅम्पचे आयोजन करण्यात आले आहे. कॅम्पमध्ये विविध प्रकारची बांधकाम परवानगी, भोगवटा प्रमाणपत्रे दिली जात आहेत. सहायक संचालक रामचंद्र महाजन, उपशहर रचनाकार रमेश मस्कर व कनिष्ठ अभियंता यांनी कॅम्प घेतला. कागदपत्रांची तपासणी करून प्रकरणे मंजूर करण्यात आली. शुक्रवारीही (ता. ६) अर्जदार, मिळकतधारक व आर्किटेक्ट, इंजिनिअर यांनी कॅम्पचा लाभ घ्यावा, असे आवाहन नगररचना विभागाने केले आहे.