स्वतंत्र वापरा

बसर्गेत आज क्रांतिवीर
नाईक पुण्यतिथी कार्यक्रम
गडहिंग्लज, ता. 2 : बसर्गे (ता. गडहिंग्लज) येथे उद्या (ता. 3) सायंकाळी चार वाजता आद्य क्रांतिकारक नरवीर उमाजी नाईक यांची १९१ वी पुण्यतिथी होणार आहे. नरवीर उमाजी नाईक़ समाज सुधारक मंडळ व अखिल भारतीय आद्य क्रांतीवीर उमाजी नाईक रामोशी समाज संघातर्फे कार्यक्रम आहे. माजी आमदार श्रीपतराव शिंदे प्रमुख पाहुणे आहेत. गोकाकचे माजी आमदार मुत्याप्पा मुत्यान्नावर अध्यक्षस्थानी असतील. स्वाभिमानी शेतकरी संघटनेचे राज्य सचिव राजेंद्र गड्ड्यान्नावर, प्रा. शामराव वंटमुरी, डॉ. रियाज शमनजी यांच्यासह मान्यवरांची प्रमुख उपस्थिती राहणार आहे. या कार्यक्रमास बेडर, रामोशी समाज बांधवांनी उपस्थित रहावे, असे आवाहन संयोजक तथा नरवीर उमाजी नाईक समाज सुधारक मंडळाचे जिल्हाध्यक्ष शिवानंद घस्ती यांनी केले आहे.