81906

‘दळवीज आर्टस्’च्या प्रदर्शनाला सुरवात
कोल्हापूर, ता. १० ः येथील दळवीज आर्टस इन्स्टिट्यूटच्या वार्षिक कला प्रदर्शनाला आजपासून प्रारंभ झाला. श्री स्वामी विवेकानंद शिक्षण संस्थेचे कार्याध्यक्ष अभयकुमार साळुंखे यांच्या हस्ते प्रदर्शनाचे उदघाटन झाले. दरम्यान, १० ते १२ फेब्रुवारी दरम्यान सकाळी नऊ ते रात्री आठपर्यंत राजर्षी छत्रपती शाहू स्मारक भवन कलादालनात सर्वांना पाहण्यासाठी खुले राहील
प्राचार्य अभयकुमार साळुंखे म्हणाले, ‘‘राजर्षी शाहूंच्या कार्याचा वारसा दत्तोबा दळवी व त्यांची पुढची पिढी दळविज आर्ट इन्स्टिट्यूटच्या माध्यमातून समर्थपणे चालवत आहे. कलाक्षेत्रामधील संधी व आव्हाने या विषयी चांगले मार्गदर्शन या संस्थेमधून मिळत आहे.’’ यावेळी चित्रकार तानाजी अवघडे, प्रा. विवेक चंदालिया यांचा गौरव झाला. संस्थेचे अध्यक्ष पांडुरंग पाटील-अंबपकर, सचिव अर्चना आंबीलढोक, प्राचार्या अस्मिता जगताप, चित्रकार विजय टिपुगडे, प्राचार्य अजेय दळवी, प्रा संजय गायकवाड, दीपक कांबळे, अभिजीत कांबळे, प्रवीण वाघमारे, विद्यार्थी प्रतिनिधी शुभम साळुंखे, सानिका नाईक आदी उपस्थित होते.