90391
...
सीपीआरमधील रुग्णांनी सोडला सुटकेचा निश्वास
पाच दिवस रुग्णांचे हालः कुटुंबियांची घालमेल
कोल्हापूर, ता. २० ः जुन्या पेन्शनसाठी सुरू असलेला शासकीय कर्मचाऱ्यांचा संप आज मागे घेण्यात आला. त्यामुळे सीपीआरमधील रुग्ण आणि त्यांच्या नातेवाईकांनी सुटकेचा निश्वास सोडला. संप मिटल्याने रात्रपाळीचे कर्मचारी आणि डॉक्टर हजर झाले. मंगळवार (ता.२१) पासून सर्व कर्मचारी पूर्ण क्षमतेने कामावर येतील.
शासकीय कर्मचाऱ्यांनी जुन्या पेन्शनसाठी पुकारलेल्या संपात वैद्यकीय कर्मचाऱ्यांच्या संघटनाही सहभागी झाल्या होत्या. त्यामुळे सीपीआरमधील वैद्यकीय स्टाफ संपावर गेला. परिणाणी सीपीआरच्या रोजच्या कामकाजावर त्याचा परिणाम झाला. केसपेपर काढणे, औषधे यासाठी मनुष्यबळ उपलब्ध नव्हते. अखेर ही कामे व्हाईट आर्मीच्या जवानांनी केली. रुग्णांना स्ट्रेचरवरून आणण्याचे कामही त्यांनी केले. आज सायंकाळी संप मागे घेतल्याची बातमी आल्यावर सर्वांनीच सुटकेचा निश्वास टाकला. मात्र गेल्या पाच दिवसात सीपीआरमधील रुग्ण आणि त्यांच्या नातेवाईकांचे आतोनात हाल झाले. काही जणांनी रुग्णांना खासगी रुग्णालयात हलवले. संप मागे घेतल्याची माहिती मिळाल्यावर रात्रपाळीचे कर्मचारी कामावर हजर झाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.