गॅस पाईप सुरक्षेबद्दल जनजागृती
कोल्हापूर ः एचपी ऑईल गॅस आणि महापालिका अग्निशामक सेवा यांच्या संयुक्त विद्यमाने मुक्त सैनिक वसाहतीतील विश्वकर्मा वसंत प्लाझा येथे गॅस पाईप सुरक्षेबद्दल जनजागृती करण्यात आली. एलपीजीवर पाईप्ड नॅचरल गॅसचे फायदे, गॅस गळती झाल्यास काय करावे, काय करू नये, आग कशी हाताळायची याची माहिती दिली. या वेळी सहायक व्यवस्थापक शशिकांत शहापूरकर, सहायक व्यवस्थापक पीयुष पांडे यांनी मार्गदर्शन केले. सोसायटीच्या आवारात बसवलेल्या अग्निशमन यंत्रणेचा वापर कसा करावा, याचे प्रात्यक्षिक स्टेशन अधिकारी जयवंत खोत यांनी दिले.