00051
कोल्हापूर ः व्यक्तिमत्व शिबिरामध्ये सहभागी झालेल्या शिबिरार्थींबरोबर प्रमुख पाहुणे, कार्यकर्ते.

व्‍यक्‍तिमत्त्‍व विकास शिबिराला सुरुवात
कोल्‍हापूर ः शिवाजी पेठेतील मर्दानी कला विशारद आनंदराव पोवार प्राचीन युद्धकला प्रशिक्षण संस्‍थेच्‍या व्‍यक्‍तिमत्त्व विकास शिबिराला सुरुवात झाली. रंकाळ्यासमोरील पद्माराजे गार्डनमध्‍ये २५ दिवस शिबिर चालणार आहे. त्यात योगा, जिम्‍नॅस्‍टिक, ज्‍युदो, लाठीकाठी, लेझीम, दांडपट्टा अशा खेळांचे प्रशिक्षण दिले जाणार आहे. शिबीराचे यंदा २४ वे वर्षे आहे. सोमवारी सायंकाळी शिबिराचे उद्‍घाटन माजी उपमहापौर विक्रम जरग, माजी नगरसेवक अजित राऊत, इंद्रजीत बोंद्रे यांच्‍या हस्‍ते झाले. संस्‍थेचे प्रमुख पंडीत पोवार यांनी प्रास्‍ताविक केले. पहाटे ६ ते ११ व दुपारी ५ ते ७ वेळेत खेळांचे प्रशिक्षण देण्‍यात येणार आहे. कोल्‍हापूरसह पुणे, मुंबई, सांगली, सातारा, धाराशीव, नाशिक, बीड या जिल्‍ह्यातून ३०० शिबिरार्थी सहभागी झाले आहेत. या वेळी तुकाराम साळोखे, संदीप डकरे, शेखर पोवार, चंद्रकांत पोवार, डॉ. रविंद्र कदम, सुरेश पाटील उपस्‍थित होते.