कावळा नाका पाणी टाकीचे
स्ट्रक्चरल ऑडिट होणार
कोल्हापूर, ता. २२ : कावळा नाका येथील पाण्याच्या टाकीचे स्ट्रक्चरल ऑडिट केले जाणार आहे. आज जल अभियंता नेत्रदीप सरनोबत, स्ट्रक्चरल इंजिनियर प्रशांत हडकर यांनी पाहणी केली.
टाकीचा डोम कोसळत असल्याबद्दल फिरोज शेख यांनी निदर्शनास आणून दिले होते. या टाकीवर ई वॉर्डमधील बहुतांश भागाचा पाणीपुरवठा अवलंबून आहे. त्याची पडझड होण्यामुळे पाणी स्वच्छतेचा प्रश्‍न निर्माण होत आहे. त्यासाठी तातडीने काम करण्याची गरज शेख यांनी व्यक्त केली होती. त्या पाहणीनंतर टेंबलाई टेकडीवरील टाकीच्या गळतीची पाहणी केली. काही ठिकाणी पडझड झाली आहे. त्याबाबतही पाऊले उचलली जाणार आहेत.