पशुधन हे जिल्ह्याचे
वैभव : सतेज पाटील
---
डॉ. सुनील काटकर यांना गाडी प्रदान
सकाळ वृत्तसेवा
कोल्हापूर : पशुधन हे आपल्या कोल्हापूर जिल्ह्याचे वैभव आहे. डॉ. सुनील काटकर यांच्यासारख्या सक्रिय आणि निवृत्त लोकांच्या मार्गदर्शनातून पशुसंवर्धन वाढीसाठी भविष्यात काम केले जाईल, असे आमदार सतेज पाटील यांनी व्यक्त केले.
निवृत्त सहायक पशुधन विकास अधिकारी आणि राज्य पशुसंवर्धन संघटनेचे राज्याध्यक्ष डॉ. सुनील काटकर यांच्या निवृत्तीनिमित्त गौरव समिती आणि पशुचिकित्सा व्यवसाय संघटना यांनी त्यांचा सपत्नीक सत्कार केला. तसेच, त्यांना गाडी प्रदान करण्यात आली. या समारंभात आमदार पाटील बोलत होते. या वेळी आमदार जयश्री जाधव, मधुरिमाराजे छत्रपती यांच्यासह राज्यातील मान्यवर उपस्थित होते.
डॉ. काटकर म्हणाले, ‘‘पशुधन हा ग्रामीण अर्थव्यवस्थेचा कणा आहे. पशुधनाच्या माध्यमातून ग्रामीण भागातील बेरोजगारांना रोजगार उपलब्ध झाला.’’
या वेळी माजी नगरसेविका सविता काटकर, माजी महापौर सागर चव्हाण, सुनील मोदी, राजेंद्र डकरे, राजेश लाटकर, अखिल भारतीय मराठा महासंघाचे राष्ट्रीय उपाध्यक्ष वसंतराव मुळीक, संघटनेचे पदाधिकारी व अधिकारी उपस्थित होते.