09865
कन्व्हेन्शन सेंटर विद्यापीठात करावे
---
शिवसेनेची मागणी; कुलगुरू डॉ. दिगंबर शिर्के यांना निवेदन
सकाळ वृत्तसेवा
कोल्हापूर, ता. १६ ः आंतरराष्ट्रीय कन्व्हेन्शन सेंटर कोल्हापुरात व्हावे, त्यास आमचा विरोध नाही. पण, हे सेंटर छत्रपती राजाराम तलावाच्या पाणलोट क्षेत्रात होत आहे. त्याला आमचा, पर्यावरणप्रेमी, राजाराम तलाव जलतरण मंडळाचाही विरोध आहे. राज्य शासन आणि जिल्हा प्रशासनाने हे सेंटर शिवाजी विद्यापीठात करावे, अशी मागणी शिवसेना ठाकरे गटाने आज केली. त्याबाबतचे निवेदन पक्षाचे जिल्हाप्रमुख विजय देवणे आणि संजय पवार यांच्या नेतृत्वाखाली शिष्टमंडळाने कुलगुरू डॉ. दिगंबर शिर्के यांना दिले.
या तलावाच्या परिसरात सिमेंटच्या इमारती उभ्या करून शासन काय साध्य करणार आहे? हा कोल्हापूरच्या जनतेसमोर यक्ष प्रश्न पडला आहे. जिल्ह्यात राज्य शासनाच्या अनेक जागा रिकाम्या आहेत. मग या तलावाच्या परिसरातच कन्व्हेन्शन सेंटर का उभे केले जात आहे? शासनाने या तलावाच्या वापराच्या अटी, शर्तीचा विचार करावा, अशी मागणी या निवेदनाद्वारे केली आहे. शहरप्रमुख रविकिरण इंगवले, सुनील मोदी, अवधूत साळुंखे, मंजित माने, अभिजित बुकशेठ, स्मिता सावंत आदी उपस्थित होते.
चौकट
विद्यापीठाने पुढाकार घ्यावा
विद्यापीठाच्या सुवर्णमहोत्सवी वर्षानिमित्त राज्य सरकारने ५० कोटी रुपये निधी देण्याची घोषणा केली होती. हा निधी टप्प्याटप्प्याने देण्यात येणार होता. या अंतर्गत विद्यापीठाला कन्व्हेन्शन सेंटरसाठी मंजूर असलेला १० कोटी रुपयांचा निधी लवकर मिळावा, यासाठी पाठपुरावा करण्याची गरज आहे. या सेंटरसाठी विद्यापीठाने पुढाकार घ्यावा, अशी मागणी या वेळी शिष्टमंडळाने कुलगुरू डॉ. शिंदे यांच्याकडे केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.