jsp1720
09889
यड्राव ः येथे टाटा पॉवर कंपनीत निवड झालेले शरद इंजिनिअरिंगचे विद्यार्थी. सोबत अनिल बागणे व ट्रेनिंग प्लेसमेंट विभागाचे प्राध्यापक.

शरद इंजिनिअरिंगच्या सात विद्यार्थ्यांची निवड
दानोळी, ता. १८ ः यड्राव येथील शरद इन्स्टिट्यूट ऑफ टेक्नॉलॉजी, कॉलेज ऑफ इंजिनिअरिंग येथील सात विद्यार्थ्यांची टाटा पॉवर लि. या कंपनीत निवड झाली. भारतातील काही ठराविक महाविद्यालयानाच सहभागी होण्याची संधी दिली होती. यामध्ये शरद इंजिनिअरिंगच्या विद्यार्थ्यांची निवड झाली आहे.
महाविद्यालयातील इलेक्ट्रीकलच्या श्वेता पाटील, ऋतुजा शेडशाळे, संजीवनी उगलमुगले, वैष्णवी गुरव, कॉम्प्युटर सायन्समधील प्रणव नायर, ज्योती कोळी, गौरव मदने या विद्यार्थ्यांची निवड झाली आहे. कंपनीने विद्यार्थ्यांची ऑनलाईन टेक्निकल व अॅप्टीट्युड टेस्ट, टेक्निकल इंटरव्ह्यु व त्यानंतर एचआर इंटरव्ह्यू घेऊन निवड केली आहे. इलेक्ट्रीसिटी ट्रान्समिशन आणि डिस्ट्रीब्युशन करणारी देश व विदेशातील अग्रेसर कंपनी आहे. सध्या देशामध्ये सोलार, हायड्रो व थर्मल अशा ६० पेक्षा अधिक मोठ्या प्रोजेक्टवर काम सुरू आहे. त्याचबरोबर कंपनी पॉवर सोल्युशन, टेक्नॉलॉजी कन्स्लटंट, एनर्जी मॅनेजमेंट या सेवा देशातील २२ राज्यांत व १४ देशात पुरवते. टाटा पॉवर ही कंपनी देशासाठी १४ हजार १३० मेगावॉट विजेची निर्मिती करते. निवड झालेल्या विद्यार्थ्यांचे संस्थेचे चेअरमन आमदार डॉ. राजेंद्र पाटील-यड्रावकर व एक्झिक्युटिव्ह डायरेक्टर अनिल बागणे यांनी अभिनंदन केले. ट्रेनिंग प्लेसमेंट विभागाचे प्रा. नेहा सोनी, प्रा. अभिजित केकरे यांच्यासह सर्व डिन, विभाग प्रमुख यांचे सहकार्य लाभले.