इचलकरंजीतील समस्यांबाबत ‘इनाम’चे निवेदन

इचलकरंजी, ता.१८ : इचलकरंजी शहरातील वाहतुक समस्या, अर्धवट गटारी यासह अन्य समस्या तातडीने मार्गी लावाव्यात, या मागणीचे निवेदन इचलकरंजी नागरिक मंचतर्फे महापालिका प्रभारी उपायुक्त केतन गुजर यांना दिले.
शहरातील पंचवटी टॉकीज, तीन बत्ती चौक, थोरात चौक, कापड मार्केट, राजीव गांधी भवन परिसरात मोठ्या प्रमाणात अवजड वाहनांचे पार्किंग केले जाते. त्यामुळे येथे वाहतुक कोंडी व अपघात होत असतात. येथे होणारी वाहतूक कोंडी मार्गी लावावी. मंगळवार व शुक्रवार आठवडा बाजारावेळी आवाडे टॉकीजसमोरून अवजड वाहतूक बंद करून रिंग रोडमार्गे करावी. सुतार मळा येथे सुरू असलेले डांबरीकरण काम निकृष्ट असून त्याची चौकशी करावी. सांगली रस्ता डिपीला दाखवल्याप्रमाणे मोठा व्हावा. गटारीची व्यवस्था करावी. वंदे मातरम क्रीडांगणासमोर स्पीडब्रेकर करावे. राजर्षि छत्रपती शाहू महाराज पुतळ्यास सुरक्षारक्षक नेमणूक करावी आदी मागण्या निवेदनाद्वारे केल्या आहेत. शिष्टमंडळात राजु कोन्नुर,राम आडकी,उदयसिंह निंबाळकर, संजय डाके, महेंद्र जाधव, लक्ष्मण पाटील, दीपक अग्रवाल, डॉ. सुप्रिया माने, कल्पना माळी उपस्थित होते.