‘सोमलिंग’ची १०० टक्के वसुली
गडहिंग्लज : मुगळी (ता. गडहिंग्लज) येथील सोमलिंग विकास सेवा संस्थेची २०२२-२३ ची वसुली १०० टक्के झाली. संस्थेची स्थापनेपासून १०० टक्के वसुलीची परंपरा कायम राहिली आहे. संस्थेने ७६ लाख रुपये अल्पमुदतीचे तर साडेतीन लाख रुपये मध्यम मुदतीचे कर्ज सभासद पातळीवर वसूल केले आहे. जिल्हा बँकेचे संचालक संतोष पाटील, गडहिंग्लज साखर कारखान्याचे अध्यक्ष डॉ. प्रकाश शहापूरकर, जिल्हा बँकेचे विकास अधिकारी नानासाहेब कागवाडे, बँक निरीक्षक शामराव पाटील, सहायक निबंधक अमित गराडे यांचे मार्गदर्शन मिळाले. संस्थापक सुभाष शिरकोळे, अध्यक्ष अर्जुन जाधव, उपाध्यक्ष बजरंग भोसले, सचिव दिपक चव्हाण आदींनी वसुलीचे नियोजन केले.