14725
कोल्हापूर : देशभूषण नियतकालिकाच्या प्रकाशनप्रसंगी मान्यवर.

महाविद्यालयाचे प्रतिबिंब
नियतकालिकात डॉ. रोटे
कोल्हापूर, ता. ९ : महाविद्यालयीन जीवनात विद्यार्थ्यांना व्यक्त होण्यासाठी कॉलेजचे नियतकालिक हे महत्त्वाचे माध्यम आहे. महाविद्यालयीन नियतकालिके ही त्या-त्या महाविद्यालयाचा आरसा असतो. महाविद्यालयाची गुणवत्ता आणि सर्जनशीलता त्यातून प्रकट होते, असे मत डॉ. सुषमा रोटे यांनी व्यक्त केले. महावीर महाविद्यालयाच्या देशभूषण वार्षिक नियतकालिकाच्या प्रकाशनप्रसंगी त्या बोलत होत्या. अध्यक्षस्थानी संस्थेचे सचिव मोहन गरगटे होते.
गरगटे म्हणाले, ‘‘महाविद्यालयाचे नियतकालिक अधिकाधिक गुणवत्तापूर्ण व आकर्षक व्हावे यासाठी संस्था नेहमीच सहकार्य करेल.’’ प्राचार्य डॉ. राजेंद्र लोखंडे प्रास्ताविकात म्हणाले, ‘‘कला, साहित्य आणि अभिव्यक्ती ही कॉलेज जीवनातील विद्यार्थ्यांची ओळख असते. या माध्यमातून विद्यार्थी अभिव्यक्त होतात. त्यातूनच चांगले लेखक, कलावंत घडतात.’’ नियतकालकाचे गेली १७ वर्षे संपादन करणारे प्रा. जयवंत दळवी, मराठी, हिंदी, इंग्रजी विभागाचे डॉ. गोपाळ गावडे, डॉ. राजेंद्र रोटे, प्रा. हेमंत पाटील यांचा सत्कार करण्यात आला. डॉ. प्रकाश कांबळे यांनी नियतकालिकाची भूमिका मांडली. डॉ. गोमटेश्‍वर पाटील यांनी आभार मानले.