15251
कोल्हापूर ः राजेंद्र नगर येथे रोटरी क्लब ऑफ कागलतर्फे झालेल्या मोफत नेत्र तपासणी शिबिरात तपासणी करताना डॉक्टर.

रोटरी कागलतर्फे नेत्र तपासणी शिबिर
कोल्हापूर, ता. १० : रोटरी क्लब ऑफ कागल एमआयडीसी, नॅशनल असोसिएशन फॉर ब्लाईंड (नॅब) सांगली, नॅब नेत्र रुग्णालय मिरज आणि स्वराज्य तालीम मंडळातर्फे राजेंद्र नगर येथे मोफत नेत्र तपासणी शिबिर झाले. या शिबिराचा १२० लोकांना लाभ झाला. तपासणी केलेल्यापैकी ६० जणांना चष्मा व ४१ जणांना शस्त्रक्रियेचा डॉक्टरांनी सल्ला दिला.
शिबिरात ज्यांना मोतिबिंदू शस्त्रक्रियेची गरज आहे, त्यांना ५० टक्के सवलत व ज्यांना चष्म्याचा नंबर लागला आहे, त्यांना रोटरी क्लब कागल एमआयडीसीकडून मोफत चष्मा उपलब्ध करून दिला. दरम्यान, शिबिराला राजारामपुरी पोलिस ठाण्याचे उपनिरीक्षक नलवडे यांनी भेट दिली.
कार्यक्रमाला रोटरी क्लब ऑफ कागल एमआयडीसीच्या अध्यक्षा दीपा देशपांडे, सचिव संध्या जोशी, संजीव जोशी, मनीष देशपांडे, संतोष साखळकर, डॉ. संपत बेद्रेकर, डॉ. निखिलेश शेटे, स्वराज्य तालीम मंडळाचे संस्थापक सुखदेव बुद्ध्याळकर, अध्यक्ष प्रवीण बनसोडे, माजी अध्यक्ष पंकज आठवले, उपाध्यक्ष चंद्रकांत शिवशरण, सेक्रेटरी शिवराम बुद्ध्याळकर, खजानिस सुरेश आठवले, नामदेव नागटिळे, राजू शिंदे, उदय कांबळे, दयानंद गालफाडे, नागेश शिंदे, अमित नागटिळे, दशरथ दीक्षांत, शामराव कांबळे, सोमनाथ घोडेराव उपस्थित होते.