१५३४४
...
सी. के. व्यंकटरमन यांची
टायटन शोरूमला भेट

कोल्हापूर, ता. १० ः टाटा समूहातील टायटन कंपनीचे व्यवस्थापकीय संचालक सी. के. व्यंकटरमण यांनी आज दसरा चौकातील टायटन शोरूमला भेट दिली. या शोरूमला ३१ वर्षे तर तनिष्क शोरूमला १५ वर्षे पूर्ण झाल्याबद्दल त्यांनी ही सदिच्छा भेट देत शोरूम व्यवस्थापनाचे भरभरून कौतुक केले.
सी. के. व्यंकटरमन यांनी अल्पावधीतच कंपनीला मोठ्या उंचीवर नेले. टायटन घडयाळे, तनिष्कचे दागिने, टायटन आय प्‍लस, तनयरा साड्या, स्कीन फरफ्यूम, वॉल क्‍लॉक्‍स, तसेच हिलीओस स्‍टोअरच्या माध्यमातून आंतरराष्ट्रीय नामवंत ब्रॅन्डसची घड्याळांची शृंखला सादर केली. कंपनीच्या वाटचालीचा एकूणच आढावा त्यांनी यावेळी घेतला.
यावेळी रिजनल बिझनेस हेड निरज भाकरे, तनिष्कचे रिजनल मॅनेजर धवल मेहता, एरिया बिझनेस मॅनेजर शितल सिरोया, रिजनल टेक सपोर्ट मॅनेजर दिपक शिंदे, एरिया बिजनेस मॅनेजर चेतन चौधरी, अभिजीत जाधव आदी उपस्थित होते. डॉ. मेघना कामत यांनी सी. के. व्यंकटरमन व निरज भाकरे यांचे स्वागत केले. शोरूममधील कर्मचाऱ्यांचे सत्कार सी. के. व्यंकटरमन यांच्या हस्ते झाले. यावेळी तनुजा कामत, जयश्री दिवाडकर, जय कामत आदी उपस्थित होते. प्रसाद कामत यांनी आभार मानले.