सारथीतर्फे रविवारी महाआरोग्य शिबीर
गडहिंग्लज : येथील सारथी चॅरिटेबल ट्रस्ट व अथायु हॉस्पिटलतर्फे रविवारी (ता. १६) महाआरोग्य शिबिराचे आयोजन केले आहे. अर्जुन शिंत्रे यांच्या पाचव्या स्मृतिदिनानिमित्त हे शिबीर होणार आहे. कडगाव मार्गावरील एमएसईबी हॉलशेजारी सकाळी दहा ते दुपारी दोनदरम्यान शिबीर होईल. या शिबिरात हृदयविकार, हाडांचे विकार, मुत्रविकार, कर्करोग या आजारांची तपासणी व उपचार मोफत होणार आहेत. तसेच एमआरआय व सीटी स्कॅन, सोनोग्राफी, सीबीसी, एक्स-रे आदी तपासण्या अत्यल्प दरात केल्या जाणार आहेत. महालॅबकडून रक्त तपासणी मोफत होणार आहे. अथायु हॉस्पिटलमधील तज्ज्ञ डॉक्टर्स तपासणी व उपचार करणार आहेत. रुग्णांनी शिबिराचा लाभ घ्यावा, असे आवाहन केले आहे.