लिंगायत माळी समाजातील
गुणवंतांचा ३० जुलैला सत्कार
कोल्हापूर : जिल्ह्यातील वीरशैव लिंगायत माळी समाजातील गुणवंत विद्यार्थ्यांचा सत्कार करण्यात येणार आहे. हा कार्यक्रम ३० जुलैला सकाळी ११ वाजता शाहू स्मारक भवन, दसरा चौक येथे होणार आहे. यावेळी आदर्श माता, समाजरत्न पुरस्काराचे वितरण करण्यात येणार आहे. विविध क्षेत्रांत उल्लेखनीय कामगिरी करणाऱ्या समाजातील व्यक्तींचा सन्मानही यावेळी होणार आहे, अशी माहिती अक्कमहादेवी मंडप येथे झालेल्या समाजाच्या बैठकीनंतर देण्यात आली. कार्यक्रमात समाजातील पाचवी ते बारावी उत्तीर्ण विद्यार्थ्यांचा सत्कार करण्यात येणार असून यासाठी पालकांनी आपल्या पाल्याच्या गुणपत्रिकेची झेरॉक्स २० जुलैपूर्वी राजाराम माळी, घर नं. ३७, सह्याद्री कॉलनी, टेंबलाईवाडी, कोल्हापूर या पत्त्यावर पाठवून देण्याचे आवाहन उपाध्यक्ष अनिल माळी, कार्याध्यक्ष संतोष माळी यांनी केले आहे. बैठकीस महिला संघटना अध्यक्षा साधना माळी, सचिव राजाराम माळी, खजानिस किशोर माळी, अशोक माळी, तानाजी माळी, वंदना माळी, महेश माळी, गणपत बेलकूड व अन्य उपस्थित होते.