‘फायर सेफ्टी’साठी
प्रवेश प्रक्रिया सुरू
कोल्हापूर ः येथील फायर सेफ्टी कोर्स कॉलेज ऑफ फायर इंजिनिअरिंग अँड सेफ्टी मॅनेजमेंटमध्ये प्रवेश प्रक्रिया सुरू झाली आहे. या कॉलेजला महाराष्ट्र राज्य तंत्र शिक्षण मंडळ आणि मनुष्यबळ विकास मंत्रालय केंद्र सरकारची मान्यता आहे. कॉलेजमध्ये महाराष्ट्र राज्य तंत्र शिक्षण मंडळांतर्गत ॲडव्हान्स डिप्लोमा इन इंडस्ट्रियल सेफ्टी आणि डिप्लोमा इन फायर सर्व्हिस इंजिनिअरिंग अभ्यासक्रम राबविले जातात. मनुष्यबळ विकास मंत्रालयांतर्गत फायर इंजिनिअरिंग अँड सेफ्टी मॅनेजमेंट सर्टिफिकेट कोर्सचे शिक्षण दिले जाते. या अभ्यासक्रमांचे शुल्क माफक आहे. नोकरीची संधी, अद्ययावत प्रशिक्षण, उच्च शिक्षणामुळे या अभ्यासक्रमांमध्ये विद्यार्थ्यांचा कल वाढत आहे. चालू शैक्षणिक वर्षासाठी प्रवेश प्रक्रिया सुरू झाली आहे. अधिक माहितीसाठी विद्यार्थ्यांनी कॉलेजमध्ये संपर्क साधावा, असे आवाहन प्रा. किरण पाटील यांनी केले.