मडिलगेत सरस्वती वाचनालयात वाचन दिन
आजरा ः मडिलगे (ता. आजरा) येथील सरस्वती वाचनालय व सांस्कृतिक मंडळाच्यावतीने वाचन दिवस झाला. संस्कृती मंत्रालय भारत सरकार व राजाराममोहन राॅय ग्रंथालय प्रतिष्ठान कोलकत्ता यांच्यावतीने केरळ राज्यातील ग्रंथालय व साक्षरता चळवळीचे जनक पी. एन. पणिकर यांच्या स्मृतिप्रीत्यर्थ वाचन दिवस होतो. वाचनालयाचे अध्यक्ष जनार्दन नेऊंगरे यांनी स्वागत करून प्रास्ताविकात वाचनालयाविषय़ी माहिती दिली. नेऊंगरे म्हणाले, ‘तालुक्यातील दोन नंबरचे वाचनालय असून २५ हजार ग्रंथसंपदा आहे. याचा लाभ घ्यावा.’ डाॅ. मारुती डेळेकर यांचा सत्कार माजी सरपंच के. व्ही. येसणे यांच्या हस्ते झाला. डाॅ. डेळेकर यांनी मार्गदर्शन केले. या वेळी झालेल्या चित्ररंग भरण, वक्कृत्व, निबंध, चित्रकला स्पर्धेतील विजेत्यांचा सत्कार झाला. विनायक वाजेकर, माजी सभापती भिकाजी गुरव, के. व्ही. येसणे यांची भाषणे झाली. यावेळी सरपंच बापू निऊंगरे, उपसरपंच सुशांत गुरव, संभाजी जाधव, शाळा व्यवस्थापन समितीचे अध्यक्ष जालंदर येसणे, वाचनालयाचे उपाध्यक्ष विजय परुळेकर, कार्यवाह महादेव पाटील, खजिनदार राजेंद्र कुंभार, सदस्य रघुनाथ येसणे, आनंदा कडगावकर, दत्तात्रय देसाई, जनार्दन पाटील, गणपती आयवाळे, मारुती मोहिते, सुदर्शन चोडणकर, जोतीबा निऊंगरे आदी उपस्थित होते. संचालिका सुमित्रा येसणे यांनी सूत्रसंचालन, संचालिका सुवर्णा पवार यांनी आभार मानले.