20147
गडहिंग्लज : दहशतवाद्यांना फाशीची शिक्षा देण्याच्या मागणीचे निवेदन मुस्लिम बांधवांनी नायब तहसीलदार विष्णू बुट्टे यांना दिले.

गडहिंग्लजला दहशतवाद्यांचा
मुस्लिम बांधवांतर्फे निषेध
गडहिंग्लज, ता. ३१ : इसिस या संघटनेशी निगडित असलेल्या चौघांना राष्ट्रीय तपास यंत्रणेने अटक केली आहे. देशाशी गद्दारी करणाऱ्या सर्वांवर देशद्रोहाचा गुन्हा नोंद करून त्यांना फाशीची शिक्षा द्यावी, अशी मागणी येथील मुस्लिम बांधवांतर्फे करण्यात आली. या वेळी इसिस संघटनेशी निगडित असलेल्यांचा निषेध नोंदविला.
प्रांत कार्यालयाचे नायब तहसीलदार विष्णू बुट्टे यांना निवेदन दिले. त्यात म्हटले आहे, इसिस संघटनेशी निगडित असलेले महमदइमरान खान, महमदयुनूस साकी, अदनान सरकार, झुल्फीकार बडोदावाला या चौघांना अटक केली आहे. देशात घातपाती कारवाया करून देशाची एकता, अखंडता, सुरक्षा, सार्वभौमत्व बिघडवण्याचा त्यांचा हेतू होता. तसेच पुणे, सातारा, कोल्हापूर जंगलात बॉम्बस्फोटाच्या चाचण्याही घेतल्याचे तपासात पुढे आले आहे. हा प्रकार देशविघातक असून मुस्लिम बांधवांतर्फे त्याचा निषेध नोंदवित आहे. एटीएस व एनआयएने याचा सखोल तपास करुन या दहशतवाद्यांना फाशी देण्याची मागणी आहे.
प्रा. आशपाक मकानदार, मौलाना अजीम पटेल, रफिक पटेल, रमजान अत्तार, खुतबुद्दीन अत्तार, युनूस नाईकवाडे, पी. एस. नदाफ, ताहीर कोचरगी, एम. एस. बोजगर, अमन मुल्ला, घुडूलाल शेख, सिकंदर यळकुद्रे, नवाब मालदार, जावेद बुडेखान, रफिक मुल्ला, मंजूर मकानदार, सादीक लमतुरे, सोहेल मकानदार, मकबुल नदाफ आदींच्या शिष्टमंडळाने निवेदन दिले.