सुनिल कांबळे, राजेंद्र कांबळे यांचा सत्कार

कोल्हापूर: गेल्या २३ वर्षांपासून पंचगंगा स्मशानभूमीत काम करणारे सुनिल कांबळे, राजेंद्र कांबळे आज निवृत झाले. निवृत्तीचा शेवटचा दिवसही सुनील कांबळे यांनी स्मशानभूमीतच काम करत संपवला. स्मशानभूमीत कायम ड्युटी बजावणाऱ्या दोघांनीही नोकरीच्या कालावधीत अनेक अनुभव घेतले. नागरिकांची मानसिकता काय असते याची जवळून प्रचिती घेतली. एखाद्या कुटुंबावर कोसळलेला दुःखाचा प्रसंग असताना त्यांच्या मदतीला धावून जाणारे तसेच केवळ सोपस्कार म्हणून उपस्थित राहून जाणारेही त्यांनी अनुभवल्याचे सांगितले. आज सुनील व राजेंद्र कांबळे यांचा कर्मचाऱ्यांच्या वतीने निरोप समारंभ करण्यात आला.