ich181.jpg
24212
इचलकरंजी ः डीकेटीईचा इंजिनिअरींगच्या प्रथम वर्षामध्ये प्रवेश घेतलेल्या विद्यार्थ्यांना डॉ. सपना आवाडे यांनी मार्गदर्शन केले.
----------
‘डीकेटीई’त प्रतिभाशाली अभियंता बनवण्याचे सामर्थ्य
सपना आवाडे ः इचलकरंजीत प्रथम वर्ष विद्यार्थ्यांचा स्वागत समारंभ

इचलकरंजी, ता. १८ ः जागतिक आव्हानांना तोंड देण्यासाठी अधिक प्रतिभाशाली अभियंत्यांची गरज आहे. असे सक्षम व गुणवत्तापूर्ण अभियंता बनवण्याचे सामर्थ्य डीकटीईमध्येच आहे, असे प्रतिपादन डीकेटीईच्या मानद सचिव डॉ. सौ. सपना आवाडे यांनी केले.
प्रथम वर्ष बीटेक टेक्स्टाईल व इंजिनिअरींग, डिप्लोमा व एमबीए विद्यार्थ्यांच्या स्वागत समारंभात त्या बोलत होत्या. येथील ना. बा. घोरपडे नाटयगृहात झालेल्या या समारंभात आवाडे यांनी विद्यार्थ्यांना मार्गदर्शन केले. डीकेटीई इन्स्टिटयूट ही जगभरात आदर्शवत इन्स्टिटयूट म्हणून ओळखली जात असून उत्तम करिअरसाठी अनेक कानमंत्र दिले. प्रथम वर्ष विभाग प्रमुख डॉ. ए. के. घाटगे, डेप्युटी डायरेक्टर प्रा. डॉ. यु. जे. पाटील यांनी मार्गदर्शन केले. आंतरराष्ट्रीय स्तरावर उत्कृष्ट कामगिरी करणाऱ्या, प्लेसमेंट झालेल्या व परदेशात एमएस अभ्यासक्रमासाठी निवड झालेल्या विद्यार्थ्यांचा सत्कार केला. प्रभारी संचालिका प्रा. डॉ. एल.एस.आडमुठे यांनी प्रास्ताविक केले. सुत्रसंचालन प्रा. एस. जी. कानिटकर यांनी केले. प्रा. जे. आर. नागला यांनी आभार मानले.