24261
---
वेश्‍या व्यवसायाला प्रवृत्त
केल्याबद्दल दोघांना अटक

कोल्हापूर, ता. १८ ः आर्थिक लाभाचे आमिष दाखवून महिलेस वेश्‍या व्यवसायाला प्रवृत्त केल्याबद्दल लॉज मालकासह एजंट महिलेला अटक करण्यात आली. जोया शाबाज मोमीन (वय २९, रा. कनाननगर) आणि सुनील विजय नाकील (वय ५३, रा. स्टेशन रोड, शाहूपुरी) अशी त्यांची नावे आहेत. शाहूपुरी पोलिसांनी काल रात्री पावणेबाराच्या सुमारास ही कारवाई केली. अटक केलेल्यांना न्यायालयात हजर केले असता त्यांना २२ ऑगस्टपर्यंत पोलिस कोठडी सुनावण्यात आली.
पोलिसांनी दिलेल्या माहितीनुसार, स्टेशन रोडवरील एका दुकानासमोर तसेच शाहूपुरीतील एका लॉजमध्ये काल रात्री पावणेबाराच्या सुमारास पंटर, दोन पंचांसह पोलिसांनी छापा टाकला. तेंव्हा तेथे संशयित आरोपी जोया मोमीन हिने स्वतःच्या व लॉज मालक सुनील नाकील याच्या फायद्यासाठी पीडित महिलेस आर्थिक आमिष दाखवून वेश्या व्यवसायासाठी प्रवृत्त केल्याचे दिसून आले. एजंट महिला मोमीन आणि लॉज मालक नाकील यांच्यावर शाहूपुरी पोलिस ठाण्‍यात अनैतिक मानवी व्यापार प्रतिबंध कायद्यानुसार गुन्हा दाखल केला. दोन्ही संशयित आरोपींना अटक करून त्यांना न्यायालयात हजर केले असता २२ ऑगस्टपर्यंत पोलिस कोठडी सुनावण्यात आली.
पोलिस निरीक्षक अजय सिंदकर यांच्या मार्गदर्शनाखाली सुनीता शेळके, तानाजी चौगुले, वैजयंती हावळ, वनिता घारगे, शिल्पा आडके, नारायण कोरवी, महेश नाईक, महेंद्र पाटील, कृष्णात पवार यांच्यासह गुन्हे शोध पथकाचे प्रमोद चव्हाण, संदीप जाधव, मिलिंद बांगर, लखन पाटील, विकास चौगुले, शुभम संकपाळ, रवी आंबेकर यांनी ही कारवाई केली.