42515
वन्यजीव छायाचित्र प्रदर्शन शुक्रवारपासून
...

कोल्हापूर, ता. १ ः बालछायाचित्रकार अभंग फडणीस याने काढलेल्या वन्यजीवांच्या छायाचित्रांचे प्रदर्शन राजर्षी शाहू स्मारक भवनात आयोजित केले आहे. शुक्रवारी (ता. ३) सायंकाळी पाच वाजता प्रदर्शनाचे उद्‍घाटन होणार असून हे प्रदर्शन रविवार (ता. ५) पर्यंत सकाळी दहा ते रात्री नऊपर्यंत खुले असेल. तेरा वर्षाच्या अभंग फडणीसने छायाचित्रणातून आपला छंद जपला आहे. वयाच्या नवव्या वर्षापासून तो हा वन्य प्राणी व विविध दुर्मिळ पक्षी यांचे फोटो काढतो. त्याने आत्तापर्यंत कान्हा, काबिनी, नागझिरा, ताडोबा, पेंच, बांधवगड, दाजीपूर, दांडेली, ताळछपार, सांबर लेक या जंगलातून भ्रमंती केली आहे. हे प्रदर्शन विनामूल्य असून या प्रदर्शनाला भेट देण्याचे आवाहन प्राची फडणीस यांनी केले आहे.