लोगो - भैय्यासाहेब बावडेकर स्मृती चषक क्रिकेट स्पर्धा
48766
कोल्हापूर : विजेता आयर्विन ख्रिश्‍चन संघाला विजेतेपदाचे बक्षीस देताना नील​राजे पंडित-बावडेकर. सोबत मान्यवर.

आयर्विन ख्रिश्चन संघ विजेता
पंधरा वर्षाखालील स्पर्धा; संजय घोडावत स्कूल उपविजेता
कोल्हापूर, ता. २ : भैय्यासाहेब बावडेकर स्मृती चषक पंधरा वर्षाखालील आंतरशालेय क्रिकेट स्पर्धेत आयर्विन ख्रिश्चन हायस्कूल संघाने विजेतेपद पटकावले. कोल्हापूर स्पोर्ट्स असोसिएशन आयोजित व नील​राजे पंडित-बावडेकर पुरस्कृत ​ही स्पर्धा आहे. स्पर्धेत १२ शालेय संघांनी ​सहभाग घेतला होता.
अंतिम सामना आयर्विन ख्रिश्चन हायस्कूल ​विरुद्ध संजय घोडावत इंटरनॅशनल स्कूल यांच्यामध्ये ​झाला. प्रथम फलंदाजी करताना घोडावत ​स्कूल संघाने ३० षटकात ४ बाद १२० धावा झाल्या. यामध्ये विश्‍व ठक्कर ४०, कुणाल सारडा ३१, तर विजय के याने नाबाद १० धावा केल्या. गोलंदाजी करताना आयर्विन ख्रिश्‍चन हायस्कूल​च्या शिवराज संकपाळ ​४, वीरेन कोळकी ​३ बळी घेतले. उत्तरा दाखल खेळताना आयर्विन ख्रिश्‍चन हायस्कूल​ संघाने २४.१ षटकात ५ बाद १२२ धावा ​करत सामना जिंकला. यामध्ये आदित्य जाधव नाबाद ७२ धावांची खेळी केली त्यास विरेन कोळकी याने २० धावा ​करत साथ दिली. गोलंदाजी करताना घोडावत स्कूलच्या अद्वेत नार्वेकर २​, विहान लादा ​२​, संकेत पाटील ​१ बळी घेत​ला.
बक्षीस वितरण नील​राजे पंडित-बावडेकर यांच्या हस्ते झाले. या वेळी ‘केएसए’चे पदाधिकारी माणिक मंडलिक, नंदकुमार बामणे, राजेंद्र दळवी, विश्‍वंभर मालेकर, दीपक घोडके उपस्थित होते.
---------------
स्पर्धेतील उत्कृष्ट असे
फलंदाज - आदित्य जाधव, आयर्विन ख्रिश्चन हायस्कूल
गोलंदाज - विश्‍व ठक्कर, संजय घोडावत इंटरनॅशनल स्कूल
मालिकावीर - अर्णव पाटील, सेंट झेवियर्स स्कूल
सामनावीर - आदित्य जाधव, आयर्विन ख्रिश्चन हायस्कूल