56306

जलतरण स्पर्धेत महाराष्ट्राचे वर्चस्व

कोल्हापूर, ता. ६ ः स्विमिंग हब आयोजित यशवंतराव चव्हाण दुसऱ्या राष्ट्रीय व राज्यस्तरीय स्पर्धेमध्ये महाराष्ट्राच्या खेळाडूंनी वर्चस्व राखले. दिवसभरात ६२ प्रकारांमध्ये ८५६ फेऱ्या झाल्या. स्पर्धेमध्ये महाराष्ट्रसह गोवा कर्नाटक, मध्य प्रदेश, राजस्थान या राज्यातील मुले-मुली असे ३५७ जलतरणपटू सहभागी झाले आहेत.
स्पर्धेमध्ये निधी कुलकर्णी, श्लोक जाधव, मिहीर शिरोळकर, निधी मुचंडी, सोहम मंजुळे, अल्कवा ब्रिटो, शौर्या भंडारे, आदित्य माळी, मुंदरा नव्या, आदिती चिन्मुरे, ईरा देवोस्थळे, संकेत गलगली या स्पर्धकांनी आपआपल्या गटात सुवर्णपदक पटकावले. महाराष्ट्रापाठोपाठ कर्नाटकातील खेळाडूंनी चांगली कामगिरी केली. विजेत्यांना चंद्रकांत सूर्यवंशी, प्रसाद जाधव, राहुल भोई, विलास मुळें, प्रकाश आमते, अमृत शिंदे, संदीप तेलंग, अनिल लटके यांच्या हस्ते गौरविण्यात आले.