ich38.jpg
68895
इचलकरंजी : पल्स पोलिओ लसीकरण मोहिमेचा प्रारंभ करताना ओमप्रकाश दिवटे यांच्यासह मान्यवर.

इचलकरंजीत २५३५३ बालकांना डोस
पल्स पोलिओ लसीकरण : ११४ पथकांत ३४२ कर्मचारी नियुक्त
सकाळ वृत्तसेवा
इचलकंरजी, ता. ३ : शहरात रोटरी परिवाराच्या सहकार्याने पल्स पोलिओ मोहीम राबविली. या मोहिमेचा प्रारंभ नागरी प्राथमिक आरोग्य केंद्र (तांबे माळ) येथे महापालिका आयुक्त ओमप्रकाश दिवटे यांच्या हस्ते आणि नीलिमा दिवटे यांच्या उपस्थितीत केला.
मोहिमेत इचलकरंजी शहरातील ० ते ५ या वयोगटातील २५३५३ इतक्या बालकांना पल्स पोलिओ लसीकरण केले. मोहिमेसाठी शहरासाठी ११४ पथके तयार केली होती. ३४२ कर्मचाऱ्यांची नियुक्ती केली होती. ज्या बालकांचे लसीकरण झाले नाही त्यांच्यासाठी उद्या (ता. ४) पासून पाच दिवस शहरामध्ये घरभेटीचे आयोजन केले आहे. यामध्ये उर्वरित बालकांनाही पल्स पोलिओ लसीकरण करण्यात येणार आहे. यासाठी ९६ पथके तयार केलेली असून १९२ कर्मचाऱ्यांची नियुक्ती केल्याची माहिती आयुक्त दिवटे यांनी दिली. वैद्यकीय आरोग्य अधिकारी डॉ. सुनीलदत्त संगेवार, तालुका वैद्यकीय अधिकारी डॉ. पी. एस. दातार, वैद्यकीय अधिकारी डॉ. दिनेश चव्हाण, रोटरी परिवाराचे संजय मेटे, आदी उपस्थित होते.