फाईल फोटोः सोने
...
सोने कडाडले, बजेट कोलमडले
ऐन लगीनघाईत दर वाढल्याने पालक चिंतेत; बाजारपेठेवरही परिणाम

सचिन भोसले ः सकाळ वृत्तसेवा
कोल्हापूर, ता. १० ः स्त्री उच्चशिक्षित असो वा अशिक्षित, ग्रामीण असो वा शहरी, कष्ट किती करावे लागले तरी चालेल; पण अंगावर तोळाभर सोनं हवंच. असे स्वप्न असतेच. अशा मौल्यवान सोन्याचा वर्षभरात प्रति १० ग्रॅमचा दर तब्बल ७ हजार ३३८ रुपयांनी वाढला आहे. कडाडलेल्या सोन्याच्या दरामुळे ऐन लग्नसराईत नागरिकांचे बजेट कोलमडले आहे. त्याचा थेट परिणाम बाजारपेठेवरही झाला असून, मागणी कमी झाली आहे.
सोन्याचे मणी मंगळसूत्र, गंठण, कानातील फुले, रिंगा ही तर सर्वसामान्य स्त्रीचे दाक्षिण्य होय. या दागिन्यांबद्दल असंख्य कथा स्त्रियांच्या जगण्याशी जोडल्या आहेत. सोनं शरीरावर घालणे याला वेगळ्या रितीही आहेत. त्यामुळे ग्रॅम नव्हे तर अगदी गुंजभर कणालाही मोठे महत्त्व. त्यात लग्नसराईत तर वधूला मणी मंगळसूत्र, वराला अंगठी हमखास घातली जाते. अशा अनन्यसाधारण महत्त्व असलेल्या सोन्याच्या दागिन्यांचेच दर सर्वसामान्याच्या आवाक्याबाहेर गेले आहेत. अशा परिस्थितीत मुलाचे, मुलीचे लग्न कसे पार पडणार असा सवाल पालकवर्गाला पडला आहे.

सोन्याच्या दराची कमान चढतीच का?
डॉलरच्या तुलनेत रुपायाची घसरण सुरू आहे. त्यामुळे भारतात सोने आयात होत असल्याने महाग होऊ लागले आहे. त्याचा थेट परिणाम दरावर होत आहे. याशिवाय महागाईचा दर बघता अमेरिकेतील सेंट्रल बँक (फेडरेशन बँक)ने व्याज दरात कपातीचे धोरण अवलंबले आहे. त्यामुळे सोन्यामधील गुंतवणुकीकडे कल वाढला आहे. जागतिक पातळीवर सोन्याचे दागिने, बिस्किटाला मागणी वाढली आहे. याशिवाय इस्त्राईल हमास अनिश्‍चत काळासाठी युद्ध सुरू आहे. त्याचाही सोने दरावर मोठा परिणाम झाला आहे.
-----
ग्राफ करावा
प्रति १० ग्रॅमचा वर्षभरातील दर
मार्च २०२३ - ५९, ५१२ रुपये
एप्रिल २०२३ - ६०,८८० रुपये
मे २०२३ - ६०,९३० रुपये
जून २०२३ - ५९,९४० रुपये
जुलै २०२३ - ६०,२६० रुपये
ऑगस्ट २०२३ - ६०,६७० रुपये
सप्टेंबर २०२३ - ५८,६८० रुपये
ऑक्टोबर २०२३ - ६२,८१० रुपये
नोव्हेंबर २०२३ - ६२,१२० रुपये
डिसेंबर २०२३ - ६३,८७० रुपये
जानेवारी २०२४ - ६३,१५० रुपये
फेब्रुवारी २०२४ - ६२,१५७ रुपये
मार्च २०२४ - ६६,८५० रुपये
......
कोट
सोन्याचे दर वाढल्याने स्थानिक बाजारपेठेत मागणी कमी आहे. परंतु, जागतिक घडामोडी पाहता येणाऱ्या काळात सोन्याचे दर आणखी वाढण्याची शक्यता आहे. त्यामुळे लग्नसराईच्या काळात ग्राहकांनी योग्य नियोजन करावे.
- फुलचंद गुंदेशा, सराफ व्यावसायिक