Kolhapur News : चांद्रयान तीन मोहीम यशस्वी करणाऱ्या बंगळूर येथील भारतीय अंतराळ संशोधन संस्थेला (इस्त्रो) महाराष्ट्र राज्य खासगी प्राथमिक शिक्षक सेवक समितीच्या महिला शाखेच्या ४५ सदस्य शिक्षकांनी भेट दिली. दरम्यान, या वैज्ञानिक सहलीच्‍या प्रारंभप्रसंगी समितीचे राज्याध्यक्ष भरत रसाळे प्रमुख उपस्थित होते.

इस्रो ही संस्था पाहून तेथील मराठी शास्त्रज्ञाशी चर्चा करणे चांद्रयान आणि इतर उपग्रह प्रक्षेपण याबाबतची माहिती घेणे. हिंदुस्थान ॲरोनॉटिक्स संस्था, डॉ. विश्‍वेश्‍वरय्या गॅलरीज, एरोस्पेस म्युझियम या संस्थेतील वेगवेगळे विभाग पाहणे, आदींचा या सहलीमध्ये समावेश होता.

दरम्यान, नारीशक्तीचा सन्मान करणारा व वैज्ञानिक दृष्टिकोन बळकट करणारा उपक्रम समितीने घेतला असल्याचे रसाळे यांनी सांगितले. यावेळी समितीच्या महिला शहराध्यक्षा सविता गिरी, पतसंस्थेच्या संचालिका वर्षाराणी वायदंडे, समितीचे राज्यसचिव शिवाजी भोसले, विभागीय अध्यक्ष महादेव डावरे, साताप्पा कासार, मच्छिंद्र नाळे, कुमार पाटील, अरुण गोते, आदी उपस्थित होते.