ए, बी वॉर्डमध्ये
आज, उद्या पाणी बंद
संलग्न उपनगराचाही समावेश
कोल्हापूर, ता. ४ : पुईखडी जलशुध्दीकरण केंद्राकडून येणाऱ्या पाईपलाईनवर आयटीआय कॉर्नर व निर्मिती कॉर्नर येथे क्रॉस कनेक्शनचे काम करण्यात येणार असल्याने ए व बी वॉर्डसह संलग्न उपनगरातील पाणी शुक्रवार (ता. ५) व शनिवार (ता. ६) असे दोन दिवस बंद राहणार आहे.
पुईखडीवरून येणारी ११०० मि.मी. व्यासाच्या पाईपलाईनवर काम केले जाणार आहे. त्यामुळे या भागातील नागरिकांना दोन दिवस पाणीपुरवठा होणार नाही. रविवारी (ता. ७) अपुरा व कमी दाबाने पाणी मिळणार आहे. कळंबा जेलसमोरील डॅश ग्रुप, वसंत विश्‍वास पार्क, एलआयसी कॉलनी परिसर, अमरनाथ मंदिर परिसर, बाबुराव साळोखे पार्क परिसर, तपोवन परिसर, म्हाडा कॉलनी परिसर, नाळे कॉलनी परिसर, विद्या विहार कॉलनी परिसर, जुनी मोरे कॉलनी परिसर, संभाजीनगर स्टॅंड यासह मंगळवार पेठ परिसर, शिवाजी पेठ परिसरात पाणीपुरवठा होणार नाही. उपलब्ध पाणी काटकसरीने वापरून सहकार्य करावे, असे आवाहन महापालिकेने केले आहे.