75369
कोल्हापूर : ‘दगड'' बालनाट्यातील कलाकार.

कोल्हापूरचे ‘दगड’ बालनाट्य अंतिम फेरीत
नाट्य परिषदेतर्फे आयोजन; राज्यातील निवडक नऊ बालनाट्यांमध्ये समावेश
सकाळ वृत्तसेवा
कोल्हापूर, ता. ४ : अखिल भारतीय मराठी नाट्य परिषदेतर्फे आयोजित शंभराव्या अखिल भारतीय मराठी नाट्य संमेलनाच्या निमित्ताने ‘नाट्यकलेचा जागर’ हा उपक्रम झाला. त्यामध्ये येथील अलंकार कला ॲकॅडमी फाउंडेशनच्या ‘दगड’ या बालनाट्याची अंतिम फेरीसाठी निवड झाली आहे. राज्यातील निवडक नऊ बालनाट्यांमध्ये या नाटकाचा समावेश आहे. प्राथमिक व उपांत्य अशा दोन्ही फेऱ्यांमधून ही निवड झाली आहे.
लेखन व दिग्दर्शन युवराज केळुस्कर यांचे आहे. सुमित वर्णे यांचे नृत्य दिग्दर्शन व पार्श्वसंगीत आहे. नेपथ्य व निर्मिती महेश सोनुले तर वेशभूषा व रंगभूषा वेदा सोनुले यांची आहे. सारंग सोनुले, सोहम जाधव, ओम जितकर, स्वर विचारे, शर्विल कडणे, वीर सातपुते, प्रतुल्य व्हटकर, रोनित खंदारे, साक्षी चरणकर, गार्गी गुळवणी, ज्ञानदा पाटील, नुपूर पवार, गार्गी जोशी, सान्वी यादव, सरिता कुंभार, शांभवी संत, आरोही गुळवणी, सानवी कोकाटे यांच्या बालनाट्यात भूमिका आहेत.
----------
चौकट
कोल्हापूरचे प्रतिनिधित्व
राज्यभरातील विविध बालनाट्य स्पर्धेतही या बालनाट्याने विविध पारितोषिके पटकावली आहेत. आता नाट्य परिषदेच्या राज्यस्तरीय स्पर्धेत हे बालनाट्य कोल्हापूरचे प्रतिनिधित्व करणार आहे.